200 milionë euro në ditë qarkullon ekonomia shqiptare

Sipas të dhënave të Bankës së Shqipërisë, thesari i Ministrisë së Financave dhe bankave në vend, kryejnë pagesa prej 17.1 miliardë lekë në ditë, e barabartë kjo me 150 milionë euro në ditë. Tregu i zi realizon pagesa prej 30 për qind ose 5 milionë euro në ditë.
Ekonomia shqiptare në total bën qarkullim ditor prej 200 milionë euro, bëri të ditur të hënën gazeta Mapo duke thënë se kjo shifër bazohet në vlerësimin dhe monitorimin e funksionimit të sistemit të pagesave që funksionojnë në bankën e Shqipërisë dhe në numrin dhe vlerën e transaksioneve të bëra.
Pagesat me karta debiti dhe krediti në pikat e shitjes, dyqane ose vende të tjera ku ofrohen shërbime përbëjnë 7 për qind të totalit të pagesave për klientët.