Molla dhe sëmundjet e zemrës.

Disa studime të mëparshme kanë treguar edhe se përbërësit e mollës ndihmojnë në rregullimin e sheqerit në gjak dhe kontrollojnë oreksin

Njerëzit të cilët konsumojnë nga një ose dy molla në ditë janë shumë më pak të rrezikuar nga zhvillimi i faktorëve të rrezikut që lidhen me sëmundjet e zemrës.

Shkencëtarët nga Universiteti Shtetëror i Floridës kanë njoftuar se konsumimi i rregullt i mollëve lidhet me zvogëlimin e përqendrimit të kolesterolit në gjak dhe zvogëlimin e pranisë së markerëve të cilët tregojnë për praninë e inflamacioneve dhe krijimit të shtresave në muret e enëve të gjakut.

 

Disa studime të mëparshme kanë treguar edhe se përbërësit e mollës ndihmojnë në rregullimin e sheqerit në gjak dhe kontrollojnë apetitin.

 

Shkencëtarët thonë se meritorë për këto rezultate janë pektinet- fijet të cilat bllokojnë absorbimin e kolesterolit, si edhe antioksiduesit polifenole, të njohur për parandalimin e dëmtimit të qelizave nga ana e radikaleve të lira.

 

Fiku 70 cigare në gjuhë brenda një minute.

Richie Magic (55 vjeçar) nga New Yorku vendosi rekordin e ri botëror duke fikur në gjuhë 70 cigare brenda një minute. Luftonte për pak ajër të pastër derisa shtynte cigaret në gojë, nga pesë copë njëherësh.
Rreth tij në Washington Square Park ishin mbledhur shumë njerëz dhe derisa disa e përkrahnin me duartrokitje dhe i ndihmonin t’i ndizte cigaret, të tjerët e shikonin me neveri.
“Porosia për fëmijët ishte më e rëndësishme se shëndeti im. Pirja e duhanit është shprehi e keqe”, tha Magic pasi theu rekordin.
Pas një minute e tregoi gjuhën e tij përplot hi cigaresh.
“Ndjenja është e tmerrshme. Gjuha më është nxirë, ndërsa maja e gjuhës më djeg tepër”, u tha Magic mediave.

Politika..

Politika nganjëherë mund të jetë punë me zarar. Këtë e përjetoi në lëkurën e vet zëvendëskryetari i Parlamentit të Ukrainës, Adam Martynyuk, kur e kapi një koleg të vetin për fyti dhe e shtriu në tokë.

Martynyuk po udhëhiqte seancën parlamentare e cila transmetohej direkt edhe në televizionin e Ukrainës. Transmetimin e mërzitshëm “live” e bëri interesant Martynyuk kur ndihmësi i tij Oleg Lyashko e pyeti nëse mund ta merrte fjalën, por ai e refuzoi.
Ai më pas lëshoi disa fjalë fyese ndaj Martynyukut, e kjo i mjaftoi për ta kapur për fyti Lyashkun. Kur sa hap e mbyll sytë e shtriu për toke. I shqetësuar tej mase, Lyashko ngrihet nga dyshemeja dhe fillon të shtyhet me zëvendëskryetarin e parlamentit.
Megjithatë shpejtë reaguan deputetët tjerë dhe parandaluan një konflikt më serioz, ndërsa është interesant se pas kësaj “zhurme”, Lyashko u kthye në foltore, e që zëvendëskryetari i parlamentit e përcolli me një buzëqeshje ironike.

Gjykata, Britney Spears nuk mund të martohet

Britney Spears duket shumë e dashuruar pas partnerit të saj Jason Travick, me të cilin ka disa vite e lidhur.

Bëhet fjalë për një lidhje që sipas artistes mund të përfundojë në një martesë, por sot për sot kjo gjë është e pamundur. Edhe pse Britney Spears e sheh veten si një “vajzë normale”, një gjykatë në Kaliforni ka deklaruar se ylli i pop-it është “mendërisht e paaftë” për të marrë disa vendime të caktuara dhe në këto vendime hyn edhe martesa.

Që nga një krizë që kaloi në vitin 2008, Britney Spears është nën kujdestarinë e babait të saj, James Spears. Është pikërisht i ati që merr vendimet e saj ekonomike dhe personale.

Ligji kalifornian shpjegon se një person i shpallur “mendërisht i paaftë” nuk mund të marrë vendime juridike dhe si rrjedhim nuk mund nënshkruajë një kontratë martesore.

Jo vetëm drejtësia, por edhe avokati i Spears, David E. Wohl, është shprehur: “Britney është si një fëmijë.”

Foto - Lajm

Agjencia evropiane e trafikut ajror tha se mund të anulohen deri në 500 fluturime si pasojë e reve të hirit të shkaktuara nga shpërthimi i vullkanit në Islandë, që u përhapën mbi Irlandën Veriore, Skocinë dhe Skandinavinë. Hiri vullkanik i ardhur nga vullkani Grimsvotn e ka detyruar edhe presidentin Obama, i cili gjendet në një turne evropian, të ndryshojë planet e udhëtimit, duke arritur një ditë më herët në Britani. Ekspertët, megjithatë thonë se gjasat janë fare të vogla nga përsëritja e kaosit të trafikut ajror të vitit të kaluar, ku me miliona udhëtarë humbën fluturimet si pasojë e shpërthimit të një vullkani tjetër të Islandës.Mendohet se për vendin tonë nuk do ketë efekt pasi shqiptarët më së shumti fluturojnë drejt Greqisë dhe Italisë , vende që s'pritet të rrezikohen .

Foto: Reuters

Kryekomunari hungarez që po revolucionarizon qeverisjen lokale.

Vendimi i tij, ne dukje absurd, ishte i thjeshte: hiqen taksat e biznesit dhe te prones!

Mjaftoi kjo levizje e Kryekomunarit qe lokaliteti Tapszentmiklos i Hungarise te kthehej ne nje parajse fiskale. Jozsef Kovacs eleminoi taksat per biznesin, perfshi edhe ato per pronat. Ishte ky vendim gjenial qe beri te mundur regjistrimin e 23 kompanive te reja, kryesisht te transportit, ne vetem dy muajt e pare te aplikimit te vendimit te heqjes se taksave.

Kryekomunari deklaroi se pret qe te vijne edhe njehere aq kompani, te cilat do ti sjellin buxhetit te komunes nga taksa e rrugeve qe paguajne afersisht 40 milione Forint (monedha vendase) afersisht 150.000 Euro. Deri ne marrjen e ketij vendimi komuna mblidhte ne buxhet 10 here me pak te ardhura, afersisht 4 milione forint.

Nje nga drejtuesit e firmave te vendosura ne kete komune, tregon se mund te kurseje deri ne 700.000 forint ne vit.

Duke marre shkas nga ky rast, na lind pyetja: si ka mundesi qe asnje nga drejtuesit lokale ne Shqiperi deri me sot nuk ka mundur te gjeje nje zgjidhje per te rritur buxhetin lokal?

Ismail Kadare: Epoka e kapitalizmit është në perëndim, ndërsa Realizmi socialist është ende në dekadat e tija të para ("Zëri i Popullit", 13 janar 1974, f. 3 )

A do të vazhdojnë të ekzistojnë letërsia dhe artet në të ardhmen? Kjo pyetje, herë në mënyrë të drejtpërdrejtë, herë në mënyrë të tërthortë, vërtitet në të gjitha propagandat e tyre. Përgjegjësia e saj përbëhet nga një radhë parashikimesh sa fataliste aq edhe absurde: pritet vdekja e romanit, vdekja e poezisë, vdekja e letërsisë dhe e gjithë arteve në përgjithësi. 

Cili është shkaku i këtij “de profundis” që tellallët e borgjezisë e përsërisin pa pushim prej kohësh? Përgjigja është e thjeshtë: ashtu si një pjesë e profecive edhe kjo nuk është tjetër veçse një dëshirë e vjetër e klasave sunduese, e trashëguar brez pas brezi prej tyre bashkë me etjen për pushtet dhe shfrytëzim. Dihet se qysh nga kohët më të lashta, strukturat e mëdha burokratike e militariste, pra shtetet e mëdha agresive si psh; Perandoria Romake, duke përkrahur letërsinë zyrtare kanë rënë shpesh herë në konflikte të hapura me letërsinë dhe artin përparimtar. Kjo ka qënë e natyrshme, sepse ky art në përgjithësi nuk mund të pajtohej me frymën agresive, me dëshirën për hegjemoni dhe sundim të botës e cila ishte promotori i gjithë propagandave të këtyre shteteve.


 E njëjta ndodh sot me superfuqitë e kohës sonë. Shtetet e Bashkuara dhe Bashkimin Sovjetik. Letërsitë dhe artet e këtyre vendeve prej kohësh janë përpara një alternative; ose të deformohen plotësisht sipas interesave antipopullore të këtyre regjimeve, ose të zhduken. Pra profecitë për vdekjen e tyre në fund të fundit, nuk janë tjetër veçse kërcënime të tërthorta që u bëhen letërsisë dhe artit në qoftë se ato nuk konformohen plotësisht me qëllimet hegjemoniste agresive të këtyre superfuqive. Për sa u përket popujve që luftojnë për liri dhe pavarësi, historia ka treguar dhe vazhdon të tregojë se tek letërsia dhe artet ata kanë gjetur gjithmonë një mbështetje të sigurt në luftën dhe në aspiratat e tyre. Historia e vendit tonë e rikonfirmon me forcë të veçantë këtë. Shoku Enver ka thënë se ‘populli ynë nuk e ka ndarë kurrë dyfekun me gjalmë, nga libri, shpatën nga pena, trimërinë nga dituria...’ Dhe kjo është një e vërtetë e madhe. Populli ynë që e ka pasur gjithmonë në qendër të kujtesës së tij kombëtare Skënderbeun, nuk e ka nxjerrë kurrë në periferi të saj Naim Frashërin. Popullin tonë i është dashur shumë herë të ngrihet i vetëm kundër rrezikut të zhdukjes nga faqja e dheut. 

Por as agresioni, që vdekjet, as uria, as rrebeshet e historisë nuk ja kanë humbur atij asnjëherë bukurinë e fjalës, të gdhendjes të titullit. Përkundrazi, ky fat i vështirë ja ka prefeksionuar ato gjerë në virtuozitet. Ç’art i mrekullueshëm duhet të jetë ai për të cilin populli ka nevojë në ditë të mira dhe të këqija. Ç’provë e madhe është për letërsinë dhe artet kjo dashuri e popullit për të në momentet kyçe të historisë dhe sa qesharakë duken ata estetë pozamëdhenjë që me sofizma të pafund në kabinetet e tyre belbëzojnë nëse duhet ose nuk duhet të ekzistojnë letërsia dhe arti.


 Fakti i madh që populli, midis varfërisë së tij të thellë, i pa ngrënë dhe i paveshur, midis halleve, këto male të dyta të vendit, e deshi gjithmonë artin, tregon se ai ka pasur arsye të thella për këtë. Populli gjithmonë ka arsye të mëdha për të bërë një gjë. Arsye të mëdha për të dashuruar, arsye të mëdha për të urryer. Ai e ka dashur poezinë shqipe, letërsinë dhe artet e tjera sepse ato kanë qenë të lidhura me fatet e tij. Kjo lidhje me fatet e popullit dhe të kombit është tipari kryesor me i rëndësishmi dhe më i pavdekshmi i letërsisë dhe i arteve tona. Të gjitha vlerat e tjera të këtij arti shekullor do të asgjësoheshin pa këtë vlerë thelbësore të tij. Kjo lidhje ka qenë fati më i madh i kësaj letërsie, ashtu si do të ishte fatkeqësia më e madhe e saj ndarja prej popullit. Letërsia jonë e realizmit socialist e trashëgoi si thesarin më të shtrenjtë këtë lidhje, duke pasuruar e ngritur në një shkallë më të lartë atë me idetë e revolucionit dhe të komunizmit. Partishmëria proletare e letërsisë sonë të realizmit socialist është shprehja më e lartë e lidhjes së plotë të saj, si asnjëherë tjetër, me fatet e popullit. 

Të gjithë ne shkrimtarët e realizmit socialist kemi një përgjegjësi të madhe për ta ruajtur të paprekur këtë thesar shpirtëror të paçmuar 

Në të tridhjetë vjetët e moshës së saj, letërsia jonë e re e realizmit socialist ka njohur suksese dhe gëzime të mëdha. E vënë pa asnjë rezervë në shërbim të revolucionit, komuniste dhe kombëtare njëkohësisht, ajo i ka larë njëherë e përgjithmonë llogaritë me gjithë ndryshkun shekullor të artit feudal–borgjez, me misticizmin, irealizmin, sentimentalizmin, bulevardizmin, me historitë iluzive të vajzave të të varfërve me ‘princët e kaltërt’, me një fjalë gjithë trillimet e kuzhinave shekullore të botës së vjetër. Ajo ka vazhduar të bëj një luftë të sukesshme kur këto trillime, pasi i ka dëbuar nga dera, janë përpjekur të hynë nga dritarja të veshura me petkun modern.


 Detyra e ruajtjes së pastërtisë së artit tonë është sa e vështirë aq edhe madhështore, sidomos në kohën e sotme plot furtuna revolucionesh e kundërrevolucionesh. E vërteta është se megjithë sukseset që janë arritur, megjithse trungun kryesor të letërsisë dhe të arteve e kemi ruajtur të pastër, nuk mund të themi se i kemi mbrojtur siduhet të gjitha degët e tij. E përplasur mbi to, vala e ndërshkimeve ka bërë dëme, disa herë thyerje, dhe për këtë përgjegjësia na takon ne të gjithëve. Por letërisa dhe artet tona kanë një lidhje të tillë të thellë me revolucionin dhe me kombin, sa që për një kohë të shkurtër janë në gjendje të rigjenerojnë plotësisht degët e dëmtuara. Por kjo nuk duhet të na verë në gjumë. 

Në të ardhmen nuk pritet asnjë dobësi; përkundrazi do të ketë gjithmonë dëndësime të këtyre valëve goditëse. Agresioni është po aq i vjetër sa edhe shoqëria me klasa (Homeri, shkrimtari i parë i planetit tonë, nuk shkroi veçse për një agresion). Por në asnjë shekull ai nuk ka qenë aq global, tinëzar dhe i shumë fytyrshëm sa në kohën tonë. Dhe kjo është e kuptueshme, përderisa kjo është epokë e përmbysjeve të mëdha revolucionare. Agresioni nuk tregon forcën e agresorëve, por përkundrazi, frikën, panikun e tyre përpara historisë. Gjysma e dytë e shekullit tonë po bëhet dëshmitare e një intensifikimi të pa shembull të agresionit. Nuk është më agresioni i vjetër klasik, prania e të cilit ndihej vetëm kur shkelte çizmja e të huajt mbi tokën tënde. 

Tani armikun mund ta kesh mijëra kilometra larg, me të mund të mos shkëmbesh asnjë pushkë e, megjithatë, pa e kuptuar, mund të fillosh të biesh viktimë e agresionit të tij. Agresioni kultural, agresioni i fjalës, i titullit, i ngjyrave nuk është më pak i rrezikshëm se agresioni i çizmes së ushtarit. Një nga dëshirat e drejtuesve të superfuqive është që bota të jetë memece, në mënyrë që ajo të mos i gjykojë dot krimet e tyre. Mirëpo njerëzit kanë lindur me gjuhë. Atëherë, arësyetojnë, ata, nëqoftëse njerëzit nuk i detyron dot të mos flasin, përpiqen që ata të belbëzojnë në mënyrë sa më të pakuptueshme, si të marrët. Dhe kështu vazhdon gara e ethëshme për të krijuar libra sa më të degraduara, poezi hermetike, prozë të çoroditur, tinguj kafëshorë, kompozime abstrakte.


 I gjithë ky belbëzim, që shpesh u ngjan belbëzimeve të të sëmurëve psikik, është një shërbim i madh që i bëhet borgjezisë së sotme, shërbim të cilin ajo e çmon së tepërmi. Historia e dekadentizmit, ashtu si ajo e gjithë artit, është shekullore, por në asnjë shekull ai nuk ka pasur një shpërthim të tillë si sot. Kjo ndodh sepse në asnjë shekull klasat sunduese nuk janë gjendur ndonjëherë kaq pranë humnerës si në këtë shekull. Në një gjendje të dëshpëruar, ato ndodhen vazhdimisht në një aktivitet të ethshëm në të gjitha fushat – ekonomike, ushtarake, politike, morale, ideologjike, artistike, në mënyrë që ti shmangen katastrofës. Në terrenin e letërsisë dhe të arteve duke kuptuar se lidhja e letërsisë dhe e arteve me fatin e popullit është fatkeqësia më e madhe për ta, shpejtojnë ta shkallmojnë me të gjitha mënyrat këtë lidhja. 

Në qoftë se do të kërkonim të gjenim dy fjalë që të përmblidhnin sa më qartë esencën e gjithë asaj morie izmash të asaj flore të sotme të helmatisur borgjeze e revizioniste, këto fjalë do të ishin ‘ndarja nga populli’. Kjo ngjarje është synimi i përbashkët i gjithë propagandave të sotme reaksionare. Mirëpo borgjezia dhe revizionistët, duke e kuptuar se thirrja për ndarjen e artit nga populli, ka në vetvete rrezikun e diskreditimit, kërkojnë rrugë më të stërholluara e të maskuara për të realizuar këtë ndarje. Ata e fillojnë rrethimin shumë larg. Për të humbur gjurmët, ata nuk bëjnë thirrje për ndarje nga populli, por për ndarje nga njeriu në përgjithësi. Kështu shpjegohet ai pasion për dehumanizimin e artit, për mënjanimin e njeriut dhe për zëvendësimin e tij me fetishe e maska. Superioriteti im është se unë s’kam zemër, ka thënë një poet dekadent. Kështu shpjegohet për primitivizmin, për mendimin paralogjik, i cili, sipas tyre, është më i thellë, sepse vjen që nga larg, nga barbaria. Lidhur me këto janë përpjekjet për shthurjen e kohës në veprën letrare, për shkatërrimin e ligjeve të kompozicionit, të sintaksës dhe më në fund të gjuhës. 

(Një nga kryedekadentët, Xhojsi, është përpjekur, për shembull, të krijojë një vepër të tij – gjuhën e ujit dhe të erës). Edhe në rastet kur dekadentët e pranojnë njeriun në veprat e tyre, ky nuk është njeri në kuptimin normal të kësaj fjale. Më tepër se një njeri, ai është një surrogate i tij, një qenie biologjike, jashtë kohës, hapësirës dhe shoqërisë. Pikërisht një njeri të tillë, dekadentizmi përpiqet ta bëjë hero tipik të kohës. ‘Njeriu pa cilësi’, është titulli i romanit voluminoz të Myzilit, një nga katekizmat e dekadentizmit modern. Dihet se njeriu që nuk i përket asnjë shoqërie, humbet identitetin e vet dhe kthehet kështu në një maskë. Për të tilla maska ka shumë nevojë sot reaksioni botëror.


 Kështu arti borgjez përpiqet sot të krijojë një model të ri antiheroi, një autsajdër (ai që është jashtë), siç e kanë pagëzuar në Perëndim. Ky autsajdër, i cili mbush librat, skenat dhe filmat e botës borgjeze e revizioniste, mishëron ikjen nga bota jonë, dezertimin e turpshëm nga koha. Ai nuk është ndonjë shpikje e re; përkundrazi, rrënjët e tij duhet t’i kërkojmë thellë tek Bibla dhe Kurani, këto puse të pashtershme idesh reaksionare. S’është e rastit që një nga ideologët e sotëm borgjezë ka shkruar: “individi e nis këtë udhë të gjatë si autsajdër dhe do ta mbarojë, ndoshta, si një shenjt”. Hipitë e sotëm, autsajderët, antiherojtë e Kamysit ose të Beketit, nuk janë tjetër veçse modifikime të shenjtorëve mjekërgjatë që bridhnin qysh para 2000 vjetëve e më pas nëpër shkretëtirat e Sinait, eremitët, pelegrinët jezuitë dhe myslimanët që niseshin për haxhillëk në Mekë. 

Gjithë ky arsenal errësire dhe myku është trashëguar nga arti i sotëm borgjez e revizionist. Duke e trashëguar atë, ky art i degraduar, megjithëse pretendon të jetë i kohës e modern, në të vërtetë tregon se është i vjetër e dogmatik sa s’ka ku të vejë më. Në plenumin e 4-të të Komitetit Qendror të Partisë shoku Enver, në një mënyrë thellësisht marksiste, zbërtheu esencën e vërtetë konservatore të borgjezisë dhe të revizionistit të sotëm. “Karakter konservator – thotë shoku Enver, - kanë jo vetëm ideologjitë e vjetra që vinë nga thellësitë e shekujve, por edhe ideologjia e kultura e sotme e degjeneruar borgjeze e revizioniste, i gjithë liberalizmi e modernizmi i tyre”. Duke zbatuar tezën e shokut Enver në terrenin e letërsisë dhe të arteve, nuk është vështirë të dallojmë në kohën tonë aleancën e shenjtë të konservatorizmit më të tërbuar me modernizmin më të shthurur. Le të kujtojmë disa fakte nga historia e letërsisë sonë. 

Cili ka qenë konservatori më i madh i letrave shqipe dhe jo vetëm i letrave, por i gjithë kulturës sonë? 

Përgjigja është e qartë për të gjithë: ky konservator ka qenë Gjergj Fishta. Fanatik i tërbuar, idealizues i çdo gjëje patriarkale, apologjet i fesë, i institucioneve mesjetare, hymnizues i primitivizmit, armik i egër i çdo përparimi – ky është portreti i këtij letrari prift. Mirëpo, nga ana tjetër po të bëjmë pyetje se cili ka qenë liberali më i madh i letërsisë sonë, përgjigja është po ajo: përsëri Gjergj Fishta. Filoitalian i papërmbajtshëm, agjent i Vatikanit, emisar i pushtimit fashist, partizan i çkombëtarizimit dhe i romanizimit të kulturës sonë. Pra, nga një anë kryekonservator fanatik, nga ana tjetër kryeliberal.


 Shovinist i tërbuar dhe njëkohësisht kozmopolit i tërbuar. Kur ishte fjala për idetë e reja shoqërore, përparimin, për revolucionin, ai ishte konservatori më fanatik. Kur ishte fjala për fatet e atdheut, për lirinë, për kufijtë ai ishte liberali më i madh. Të njëjtin shembull na e jep figura e letrarit fashist, Ernest Koliqi. Konservatorizmi i tij ekstrem nuk e pengoi të shfrytëzonte në veprën e tij reaksionare, një teori aq të shtrenjtë për modernizmin e sotëm, frojdizmin. Kështu në tregimet e tij, ai herë na paraqitet si një namuslli turkoshak, herë si një gagarelë evropian. 

Dhe në përgjithësi është vështirë të gjendet një teori tjetër që t’u ketë shërbyer me aq zell si konservatorizmit ashtu edhe liberalizmit, sa frojdizmi. Esenca e tij konservatore – thirrje për kthim drejt barbarisë, nuk e pengon aspak, përkundrazi i ndjell akoma më shumë drejt tij dekadentët e të gjitha ngjyrave. 

Kjo aleancë e shenjtë midis konservatorizmit dhe liberalizmit është plotësisht e shpjegueshme po ta shikojmë problemin nga pikpamja marksiste. Në fund të fundit qëllimi i të dy palëve, konservatore dhe liberale është një; kthimi në botën e përmbysur, rifitimi i ‘parajsës së humbur’. Ndërsa sulen me tërbim për të shkallmuar spirancën që e lidh njeriun dhe artin e tij me shoqërinë dhe komunitetin njerzor, dekadentët nuk harrojnë për asnjë çast të sulmojnë spirancën tjetër, atë që e mban njeriun dhe artin e tij të lidhur me popullin e vet, me kombin dhe karakterin kombëtar. Ata godasin me tërbim këto dy spiranca, sepse e dinë që me shkallmimin e tyre vlerat shpirtërore do të mbeten në mëshirën e errësirës dhe dallgëve të tërbuara të reaksionit botëror.


 Nuk është e rastit që pseudoshkrimtari dhe armiku i partisë, Fadil Paçrami i linte të mbushura pseudodramat e tij me hije dhe jo me njerëz. Nuk është e rastit që ai bashkë me Todi Lubonjën ishin kundërshtarë të tërbuar të karakterit kombëtar në artet tona. Në poezi, F. Paçrami urrente figurën e baballarëve, në skulpturë figurën e nënës, në prozë përbuzte plakat shamizeza. Ai tmerrohej nga figura e Skëndërbeut me keq se një pasha turk. Pra, ai nuk duronte dot asgjë që kishte lidhje me themelet e popullit dhe të kombit. Nga kjo pikpamje ai të kujtonte ata pseudodijetarë të Ishullit të Laputëve, për të cilët Suifti tregon se kërkonin të shpiknin një metodë për të filluar ndërtimin e shtëpive nga çatia. 

Djathtizmi i T. Lubonjës e F. Paçramit, kozmopolitizmi, urrejtja për folklorin dhe antishqiptarizmi i tyre, treguan dhe një herë se lufta e klasave në terrenin e letërsisë dhe të arteve është e gjallë dhe do të jetë e tillë për një kohë shumë të gjatë. Si pjesë përbërëse e mekanizmit të revolucionit, realizmi socialist ka pasur, ka dhe do të ketë po ata armiq që ka revolucioni. 
Tërbimi i tyre, rrufetë që ata lëshojnë mbi të, nuk tregojnë gjë tjetër veçse fuqinë dhe rrezikshmërinë e tij për klasat sunduese. Akuzat për gjoja ngushtësinë e tij, për pamundësitë e tij, për rregullat kufizuese që i shkurtojnë jetë, koha i ka hedhur do i hedhë poshtë njerën pas tjetrës. Realizmi socialist është art i së ardhmes. 

Asnjë art i gjertanishëm nuk mund të jetë i krahasueshëm më të për nga mundësitë, epiciteti, thellësia, dramaticiteti dhe niveli i lartë ideoartistik. Këtë omnipotencë ja jep atij revolucioni komunist. Liria që zbërthen revolucioni është më e madhja liri që është parë ndonjë herë mbi këtë rruzull, sepse ajo është liri e milionave. Përpara kësaj lirie zbehen si qirinj, liritë e tjera të kënduara apo të pakënduara në odetet e poetëve. Realizmi socialist si pjellë e revolucionit gëzon po atë liri të revolucionit. Ai nuk u bindet kanoneve, rregullave dhe dogmave, siç pretendojnë armiqtë e tij të hapur, ose miqtë e tij të rremë. Ai u bindet vetëm ligjeve të revolucionit, i njeh dhe i respekton ato ligje, dhe pikërisht në këtë qëndron jo dobësia dhe jetëshkurtësia e tij, por përkundrazi forca dhe pavdeksia e tij. 

Nganjëherë vetë ne, shkrimtarët dhe artistët e realizmit socialist, nuk i njohim, ose nuk i përdorim dot mundësitë e pakufishme të këtij arti. Marksizmi na mëson që shpesh herë qëllon që shija e parë e klasës së fitimtarëve mbart me vete elementë të shijes së fundit të klasës së të mundurve. Shkëputja nga kjo shije është një detyrë e vazhdueshme e të gjithëve, dhe veçanërisht e ne krijuesve. Duke hedhur poshtë rrënjësisht teorinë e ‘realizmit pa cak’ të revizionistit frëng Rozhe Garodi, i cili ka për qëllim integrimin e një pjese të dekadentizmit në realizmin socialist, ne jemi gjithashtu kundër kufizimeve artificiale të fushës së veprimit të artit të ri të klasës punëtore. 

Realizmi socialist ka një forcë të tillë të brendshme sa që është në gjendje të shtjellojë në gjirin e tij të gjitha temat, duke filluar nga revolucioni proletar e gjer në legjendat më të thella të shekujve. Ai është në gjendje ta rishikojë dhe ta rishpjegojë artistikisht gjithë botën, që nga rrethimi i Trojës e gjer në rrethimin imperialisto – revisionist. Këtë aftësi të re ndriçuese ja jep atij vetë revolucioni. Dhe pikërisht këtu qëndron esenca e novatorizmit të tij të madh. Kufizimi në kohë dhe në hapësirë i sferës vepruese të realizmit socialist, nuk bën gjë tjetër veçse nga njëra anë, i shkëput rrënjët e këtij arti nga themelet kombëtare dhe nga ana tjetër i njeh sundimin e plotë, mbi 5 mijë vjet të historisë së popujve, tiranisë, kulturave të të gjitha superstrukturave të vjetra.

 Epoka e kapitalizmit është në perëndim, dhe tonin e artit botëror, kulmet e tij po i jep e do ti jap akoma më shumë në vitet e ardhshme, jo borgjezia, por klasa punëtore. 
Realizmi socialist është ende në dekadat e tija të para. Në vitet e ardhshme ai do të ngushtojë gjithmonë e më tepër perandorinë kulturore borgjeze–revizioniste, derisa më në fund ta rrethojë atë. Letërsia jonë e re shqipe, për vetë pozitën pararojë të partisë dhe të vendit tonë në luftë kundër botës së vjetër në kuadrin e artit botëror komunist, ka sot një pozitë të privilegjuar dhe mundësi të pakufishme për vepra të mëdha. 

AFP, artikull për situatën politike në Shqipëri.

"Komisioni elektoral shqiptar që dominohet nga partia në pushtet, Partia Demokratike, urdhëroi rinumërim të votave të mërkurën, duke nxitur një thirrje për kryengritje te opozitës".

Kështu nis një artikull i agjensisë se lajmeve AFP që i dedikohet situatës politike në Shqipëri. AFP vijon më tej të saktësojë se një zyrtar i lartë i Partisë Socialiste të kryetarit në largim të Bashkisë së Tiranës, Edi Rama, bëri thirrje për një kryengritje kundër vendimit të komisionit, megjithatë nuk ka patur raporte të menjëhershme të protestave të organizuara në një shkallë më të gjerë.
AFP citon kryetarin e KQZ , Arben Ristani të ketë thënë: "Komisioni Qëndror Zgjedhor ka vendosur të rivlerësojë vlefshmërinë e fletëve të votimit që janë të kontestuara apo që janë shpallur të pavlefshme për kandidatët për kryetar".
Sipas AFP-së bëhet fjalë për rinumërim të më shumë se 100 votave, dhe ky proces mund të ndryshojë rezultatin e zgjedhjeve për kryeqytetin. Sipas rezultateve të përkohshme nga Komisioni Zgjedhor rajonal, Rama, i cili po kërkon mandatin e tij të katërt si kryebashkiak i Tiranës, mundi kandidatin tjetër për kryetar Bashkie, nga Partia Demokratike, Lulzim Basha, me një diferencë të ngushtë prej 10 votash.
AFP citon edhe kreun e grupit parlamentar te Partisë Socialiste, Gramoz Ruçin, ndërsa bën thirrje për kryengritje popullore nëpër të gjithë vendin, pasi sipas tij, është e vetmja mënyrë për të kundërshtuar vendimin e komisionit elektoral.
Gjithashtu, AFP shkruan edhe për thirrjen e ndërkombëtarëve, vecanërisht të Ambasadorit të SHBA-së në Tiranë, Aleksandër Arvizu, i cili bëri thirrje të dyja palëve që "të përpiqen të punojnë brenda kuadrit ligjor."
"Gjëja më e rëndësishme për gjithësecilin, është që të ruajë qetësinë sa më shumë të jetë e mundur” ka thënë Arvizu në një intervistë për Radio Televizionin “Ora News”. Ambasadori vizitoi ambientet e televizionit “Ora News” gjatë paradites të së mërkurës.

AFP, përmend edhe faktin se më herët gjatë ditës së mërkurë, dhjetëra përkrahës dhe militantë të opozitës, u grumbulluan në ambientet e jashtme të KQZ-së, por u përballën me një kontigjent të madh forcash policore. Gjithashtu më tej shkruhet se u regjistruan edhe konfrontime fizike, ndërsa deputetë të Partisë Socialiste përpiqeshin të kalonin kordonin policor për të hyrë në ndërtesën e Komisionit Zgjedhor. Duke folur në mbledhjen e kabinetit, shkruan AFP, kryeministri Sali Berisha i bëri apel Ramës, që të largojë mbështetësit e tij nga Komisioni Zgjedhor, duke paralajmëruar se në të kundërt mund të ketë pasoja të rënda .Sipas KQZ-së , rinumërimi do të thotë se do të duhen edhe disa ditë të tjera, përpara se të deklarohet rezultati final i zgjedhjeve lokale te 8 majit.

 

Barroso anulon vizitën ?

Presidenti i Komisionit Europian po mendon seriozisht mosardhjen në Tiranë ditën e premte për shkak të injorimit të mesazheve të Perëndimit.

Burime pranë kabinetit të zotit Barroso bënë të ditur se Presidenti i Komisionit Europian po reflekton seriozisht që të anulojë vizitën në Shqipëri.

Kjo, sepse vijuan burimet, në kushtet e krijuara pas ngjarjeve në Komisionin Qendror të Zgjedhjeve, krerët e institucioneve shqiptare nuk e meritojnë dhënien e mesazheve pozitive për integrimin.

Politika shqiptare, sipas Presidentit Barroso, ende nuk ka arritur shkallën e pjekurisë për të merituar një vlerësim pozitiv.

Një vendim përfundimtar për këtë do të merret brenda ditës së enjte.

Socialistët mund të lënë mandatet parlamentare

Partia Socialiste dhe deputetët e saj janë nisur drejt zonave të tyre për të organizuar protesta dhe reagim të simpatizantëve të saj. Deputetët Erion Braçe, Fatmir Xhafaj, Mimi Kodheli, Gramoz Ruçi dhe kreu i socialistëve Edi Rama, i kanë kërkuar popullit të ngrihet në këmbë për të mbrojtur demokracinë dhe zgjedhjet e përmbysura në tavolinë, raportoi të enjten e përditshmja Mapo.
E përditshmja raportoi se bëhet fjalë edhe për lënie mandatesh të deputetëve ose të disa prej tyre gjatë vizitës së paralajmëruar të zyrtarëve të lartë evropiane në Tiranë. Nuk përjashtohet as versioni ekstrem i lënies së mandateve nga i gjithë grupi parlamentar socialist

Lumi Fan - Ndërfushaz